Kya soch rahe ho
Poocha aaj dil se maine
Kyun ho khoye khoye
Zarra batao bhi to humein
Kuch hulchal si hai tum mein
Kya koi ehsaas panpa hai kisi kone mein
Thode se darre darre se lagte ho
Kya koi chor hai tumhari firak mein
Mujhse kuch juda juda se lag rahe ho
Kya koi aur pasand aa gaya hai tumhe
Kisi ki ada par mit gaye ho kya
Kuch dard sa mehsoos ho raha hai tum mein
Kaho to kuch maddad karun tumhari
Kaho to zehan se baat karwaoun zara si
Shayad wahi tumhari maddad kar sake
Ho sakta hai koi rasta nikaal sake
Tum waise sunte nahin ho meri
Tabhi takleef sehte rehte ho
Kaha hai na tumse ki zyada mat uchla karo
Chup chap ek kone mein baithe raha karo
Lekin nahin hatthi ho awaal darze ke
Kisi ne pyaar jata diya to ussi ko khuda maan liya
Kisi ne haath kya pakad liya
Muh utha saath hi chal padhe
Arrey kaun hai kaisa hai yeh to jaano
har kisi ko chale sar pe baithane
tumhari bewakoofi se main kitni pareshan hun
karo tum aur bhuktun main
bhago tum aur neenden udhen meri
tooto tum aur ansun bhaye mere
kyun bhai kab seekhoge duniye ki reet
istemall karte hain sab tumhara
ullu banke kaam nikalwate hain apna
aur gadha banwa dete ho humara
to bhaiya dil zaara kabu mein raho
jaano pehchano phir kisi ke ho
ghabrao nahin mliega tumhen bhi koi
bas sahi waqt ka intezaar to karo
mat talasho manizilon ko betahasha
jo tumhara hai milega tumhen hi
uski dastak tumhare darwaze par hi pahunchegi
uski dhadkan ko samajh paoge tumhi
to miyan dil, intezaar karo
milega jodidaar, thoda eityat karo
zyada mat uchlo bas pyar karo
aayega sandesa wahan se bhi zarra aitbar to karo
image right: Freepik.com
